Puisi Madura: Yant Kaiy (1)
Kamis, 05 Maret 2020
Songenep Asre
Ampon kalonta ka saantero nusantara
jugan ka manca nagara
Songenep asre majambar ate
kotha sejarah
dadinggalan para rato molja
dari jaman Adipati Aria Wiraraja
kantos samangken teptep jejeh
rajjeh
masyarakatte tentrem
ta' saleng antem
abantal omba’ asapo’ angin
alako berre’ apello koning
tanto daddi lalampan lako
reng-oreng Polo Madura paleng temor
Kotha Kerres
minangka sebbudan anyar
jejulugga Kotha Songenep mangken
senande'agi paanaban seni budaya se sanyatana
tombu sekken saterrosa
paggun ejaga
sareng para seppo tor ngoda.
Pasongsongan, 5 Maret 2020